Como sodes moitos os que nos pedíchedes a receita, aquí vola deixamos. Unha das especialidades realizadas no Obrador Piñeiral polo alumnado e profesorado do ciclo de panadaría, repostaría e confeitaría , seguindo unha receita tradicional pero cun sabor e textura coa que sempre triunfaredes nestas celebracións tan máxicas e familiares. Animádesvos a probala?
PD- Feliz Día e Noite de Reis.
Na Efa Piñeiral participamos na acción de divulgación contra a violencia de xénero; MÁIS INFORMADA, MENOS VÍTIMA promovida polo GDR Ulla Tambre Mandeo.
Esta acción de visibilización e debate enmárcase no 25 N, Día Internacional da Eliminación da Violencia contra a Muller ou Día Internacional da Non Violencia de xénero.
Alumnado do ciclo medio de actividades comerciais da Efa Piñeiral participante en Lingua Denuncia.
LINGUA DENUNCIA centrouse no aspecto lingüístico, detectando e evidenciando frases, ditos ou expresións en lingua galega que atentan,fomentan e resultan violentas en materia de xénero contra o colectivo feminino, propiciando un debate sobre as mesmas que conduza á erradicación das mesmas na nosa linguaxe.
Traballamos baixo a estructura dun concurso de propostas nas que se implicou o alumnado e a súas familias. Das propostas presentadas un xurado composto pola escritora Arantza Portabales, Aurora Varela, concelleira de cultura de Arzúa, e técnicos do GDR Ulla Tambre Mandeo, realizou unha selección de expresións ou ditos que ilustran o machismo do día a día e que hai que superar.
Esta escolma dos ditos e frases seleccionados foron os escollidos para o deseño da camiseta conmemorativa de Lingua Denuncua que se realizou tamén na Efa Piñeiral.
O propio día 25, conmemoramos o acto coa presencia de Aurora Varela, concelleira de cultura de Arzúa e Manuel Taboada, presidente do GDR Ulla Tambre Mandeo, e alcalde de O Pino.
De esquerda a dereita; Aurora Varela, Ana Saavedra, directora da Efa Piñeiral, e Manuel Taboada.
Tanto Manuel Taboada como Aurora Varela coincidiron na importancia de subraiar a labor de concienciación que dende as institucións educativas se debe desenvolver para visibilizar e erradicar calquer tipo de acción ou actitude que resulte violenta, os 25 de Novembro, pero tamén os restantes 364 días do ano.
Para nós foi todo un orgullo ter sido parte dunha acción tan colaborativa e educativa. Grazas a todo o xurado, ó GDR, a Arantza e a Aurora pola súa colaboración, e especialmente grazas a todo o noso alumnado e as súas familias pola implicación demostrada.
23 e 24 de Setembro, datas de regreso ás aulas. Tras un último trimestre de curso atípico, estábamos tod@s desexosos de voltar a atoparnos na Efa Piñeiral. 🙋♀️🙋♂️
A pasada semana tivo lugar o inicio de clases para os primeiros e segundos cursos dos ciclos formativos da Efa Piñeiral. Alumnas e alumnos dos segundos cursos dos ciclos de panadaría, repostaría e confeitaría, comercio e márketing e coidados auxiliares de enfermería voltaron ás aulas tralo parón do verán, namentras moitos dos compañeiros de primeiros cursos incorporábanse ó centro por primeira vez.
Inicio curso Efa Piñeiral
Ó inicio das clases precederon semanas de traballo para a elaboración do Protocolo Covid Piñeiral, xornadas nas que se doutou do equipamento preciso ás aulas, e nas que se traballou para que a distancia, a ventilación, os fluxos de circulación, e a sinalización cumpran coas máximas garantías de seguridade.
Ademáis,o equipo docente asistiu a unha xornada de formación do programa Entornos Educativos Seguros organizados por la CECE, impartida por María Botana (técnico en prevención de riscos laborais). Esta acción formativa tratou sobre os principios básicos da prevención, hixiene e promoción da saúde en centros educativos frente á Covid -19.
Medidas Protocolo Covid previas ó inicio curso na Efa Piñeiral
O centro velará por un riguroso cumprimento do Protocolo Covid para garantir que as normas de seguridade e hixiene se cumprar en todo momento. Sabemos que podemos contar co apoio e responsabilidade de cada un dos membros da comunidade educativa; das nais,e dos pais, das alumnas e dos alumnos, do persoal docente e non docente. E a todos eles queremos agradecer a sía colaboración e empatía.
Non vai ser un curso normal, seguirá estando moi marcado pola pandemia do Covid19, a nosa directora, Ana Saavedra, así o fixo saber nas presentacións de inicio de curso, flexibilidade, será a palabra e a actitude que impere neste curso académico.
Desexarvos a todos un moi bo curso e un feliz regreso ás aulas! 😀
Medidas Protocolo Covid no inicio de curso na Efa Piñeiral